Kvart år løyver Norsk Journalistlag og Norsk Kritikerlag to kringkastingsstipend à 25.000 kr til frilanskritikarar som produserer kritikk til etermedia innafor teater, musikk, dans, kunst eller litteratur, til frilansarar som produserer mediekritikk i, eller av, etermedia, eller til frilansarar som ynskjer å etablera seg som mediekritikarar.
Asbjørn Slettemark og Aksel Kielland er dei to som får arbeidsstipendet for 2020.
Aksel Kielland er utdanna medievitar og har dei siste ti åra arbeidd som frilansskribent og kritikar. I dag er han mediespaltist og TV- og teikneseriekritikar i Morgenbladet. Kielland er tildelt arbeidsstipend for å drive kritisk dekning av det norske podkastfeltet.
Asbjørn Slettemark har sidan tidleg på 1990-talet vore frilansar for Bergens Tidende, VG, Dagbladet og BBC. Sidan 2013 har han vore meldar i Aftenposten, der han no er hovudmeldar av TV-seriar. Slettemark får arbeidsstipend for å halde fram med å vidareutvikle kompetansen sin på ikkje-engelskspråkleg TV-produksjon.
Stipendkomiteen bestod av Anne Schäffer for Norsk kritikerlag og Eystein Sandvik for Norsk Journalistlag. Det vart levert 5 søknader til stipendet, ein relativt stor nedgang frå 21 søknader året før.